Auf Wiederschaun
Do isa jetz, da letzte Tog
und i stöh ma grod die Frog
wos werd i woi vamissn?
d’Orbeit oder s’Guinness-Pint
meine Pakistani-Freind
de Englond-Leckerbissn?
die Musi an de Stroßneckn
die gonze Zeit nur Weißbrotweckn
des Ummaliegn am Meer?
de buntn Vegl überoi?
Dass i do ois in Pfund bezoi?
stott “jawoi! “oh yeah!”?
an Schmäh bei Meetings in da Friah
und am Meer des Brighton-Pier
im Bus gonz obn huckn?
da Möwenkacke ausdazweichn?
an Weindei durch die Runde reichn
in englisch Gschichtln druckn?
da gstörte Wind, der oiwei weht
des Gfrein, wonn moi wos weidageht
zwöf bis fuchzehn Tee am Tog?
Am Wochenend des Ummastreina,
ob und zua a Rausch, a feina
(wonns i hoit neama so vatrog!)
de Hooligans mit eane Hund
de Zeitung “Sun” – da greßte Schund!
die Homosexuellen
des Sandler, Hippies, Punks und Skater
zum Buschaffeur des “see you later!”
de Muslim-Terrorzellen! 
schen is scho in Graz jetz wieda
doch Brighton wor scho a net zwida.
Donk an eich fürs Wegbegleiten
auf meina Hoagascht-Breitn-Seitn!
